Kosonsoy tibbiyot kolleji jamoasi 2005-2006 o'quv yilida O'zbekiston Respublikasi «Ta'lim to'g'risida»gi Qonun va Vazirlar Mahkamasining «Kadrlar tayyorlash milliy dasturi to'g'risida»gi qarorini amalga oshirish borasida o'z oldiga vazifa belgilab oldi. Kollej moddiy texnika bazasini mustahkamlash, o'quv adabiyotlari va ko'rgazmali qurollar bilan ta'minlashni yaxshilash, o'qituvchilar tomonidan o'quv-uslubiy qo'llanmalar, ma'ruza matnlari yaratishni to'la yakunlash, o'qitish jarayonlarida o'qitishning faol usullaridan foydalanish. Yangi pedagogik texnologiyalarni qo'llash bilan talabalarni ijodiy izlanishga yo'naltirish, kasb sirlarini chuqur o'rganib kelgusi faoliyatlarida undan samarali foydalanishlariga erishish uchun zarur bo'lgan vazifalarni belgilab uni amalga oshirish uchun izchil ish olib bormoqda.

Kadrlar faoliyatini yaxshilash maqsadida eng avvalo tanlov asosida o'qituvchilar tanlab olinadi. Faoliyat olib borayotgan o'qituvchilar yillik reja tuzib, shu reja asosida ish olib boradilar. Yillik rejaning mazmuni va uning bajarilishi nazorat qilib boriladi. O'qituvchi eng avvalo fan sirlarini o'quvchilarga o'rgatish bilan birga ular bilimini mustahkamlash va adolatli baholash mezonlariga rioya qilishi kerak. Amaliy ko'nikmalar o'quvchilar faoliyatida asosiy o'rinni egallashi hisobini olgan holda amaliy mashg'ulotlar o'tish uchun sharoitni yaxshilash va mashg'ulotlarni o'z vaqtida sifatli o'tishini ta'minlandi.

2005-2006 o'quv yilida Kosonsoy markaziy shifoxonasi qoshida 8 ta amaliyot xonalari qaytadan jihozlanib amaliyot o'tish uchun zarur bo'lgan o'quv-amaliyot anjomlari bilan ta'minlandi. O'rindoshlik asosida dars beruvchi o'qituvchilar bilan 2 marta dars o'tish usullari, yangi pedagogik texnologiyalarni dars jarayonida qo'llash, amaliy ko'nikmalarni o'rgatish va nazoratini olib borish to'g'risida seminar mashg'ulotlari o'tkazildi.

Iqtidorli o'quvchilarni aniqlash va ular bilan olib boriladigan ishlar, ularni ijodiy izlanishlarga yo'naltirish maqsadida ham reja asosida ish olib borildi. 2003-2004 o'quv yilida fanlar bo'yicha o'tkazilgan tuman olimpiadasida birorta o'quvchi g'olib bo'lib viloyat olimpiadasida qatnashmagan bo'lsa, 2004-2005 o'quv yilida kollejning 11 nafar o'quvchisi tuman olimpiada bosqichida g'olib bo'lib viloyat olimpiadasida qatnashdi. Ulardan 1 nafari II-o'rinni, 2 nafari esa IV-o'rinni egallashdi. Iqtidorli o'quvchilar o'z vaqtida ma'naviy va moddiy rag'batlantirib boriladi.

Yosh o'qituvchilar bilan ishlashni ham takomillashtirib borilmoqda. Ularga uslubiy yordam berish maqsadida seminar mashg'ulotlari o'tkazib borildi va har bir yosh o'qituvchiga ustoz o'qituvchilar biriktirib, ularning faoliyatlari nazorat qilib boriladi.

Hozirgi paytda kollejda 52 ta fan xonalari mavjud, ular zamon talablari asosida dars o'tishga moslab o'quv reja talablari asosida jihozlanib chiqilgan.

Ilg'or o'qituvchilar faoliyati doimo nazorat qilib boriladi, ularning dars o'tishdagi ilg'or usullari jamoa a'zolari orasiga ommalashtirib boriladi.

O'qituvchi va o'quvchilar orasida siyosiy, ayniqsa ma'naviy tarbiyaga e'tibor berib kelinadi. Vatanga, o'z do'stlariga, kollejga muhabbat, Davlat ramzlariga sadoqat ruhida tarbiyalashga alohida e'tibor beriladi. Prezident asarlari va ma'ruzalari o'rganib borilib o'qituvchi va o'quvchilar o'rtasida targ'ibot qilib boriladi. 2006 yilning yanvar, fevral oylarida jamoa a'zolariga «Diniy ekstremizm va terrorizm» mavzusida 12 soatlik mashg'ulotlar o'tkazildi. O'qituvchilar o'zlari egallagan bilimlarini o'quvchilar orasida targ'ibot qilib boradilar.

O'qituvchi, ishchi-xodimlar va o'quvchilar o'rtasida qonunni hurmat qilish, qonunbuzarlikka yo'l qo'ymaslik borasida ham reja asosida ish olib boriladi. Faol qonun himoyachilari bilan har chorakda bir marta uchrashuvlar o'tkazilib, jamoa a'zolarini qiziqtirgan savollarga javob olinadi. Ijtimoiy fanlar kafedrasi o'qituvchilari o'quvchilar bilan uchrashuvlar  tashkil etib, targ'ibot ishlarini olib boradilar. Bundan tashqari ertalabki saflanishlarda va kollej radiouzellari orqali ham chiqishlar tashkil etib borilmoqda. Matbuot nashrlarida bosilib chiqqan jinoyatchilik, giyohvandlik mavzulariga oid maqolalar jamoa a'zolari o'rtasida o'z vaqtida ishlab chiqiladi. Bajarilgan ishlar natijasida kollej o'qituvchilari, ishchi-xodimlari va o'quvchilari o'rtasida oxirgi uch yillikda birorta jinoyat sodir etilmagan.

Talabalarni o'qishga qabul qilish, o'qishdan chetlatish, ichki tartib va intizom O'zbekiston Respublikasi «Ta'lim muassasalariga qabul qilish, o'qishini ko'chirish, qayta tiklash va o'qishdan chetlashtirish tartibi va qoidalari Nizomi»ga asosan olib boriladi.

Kollejda o'quv jarayoni 2003 yil 12 sentabrda O'zbekiston Respublikasi Sog'liqni saqlash Vazirligi bilan kelishilib O'zbekiston Respublikasi Oliy va O'rta maxsus ta'lim Vazirligi, O'rta maxsus, kasb hunar ta'limi Markazi tomonidan tasdiqlangan o'quv rejalar asosida olib borilmoqda. O'quv yili boshida kollej xususiy sharoitini hisobga olgan holda o'quv rejaga ishlov berib ishchi o'quv reja tashkil etildi va shu reja asosida o'quv jarayoni jadvali tuzilib, shu jadval asosida ish tashkil etib kelinmoqda.

Har bir o'qituvchiga o'z mutaxassisligiga mos bo'lgan darslar o'quv yili boshida taqsimlangan. Barcha o'qituvchilar o'quv reja asosida kalendar tematik rejalar tuzgan va shu reja asosida mashg'ulotlarni o'tib boradi. Har bir o'qituvchi o'z fani bo'yicha ma'ruza matnlari yaratib kollej kutubxonasiga va o'quv zaliga qo'ygan. Har bir mashg'ulotga tayanch konspektlar, o'quv-uslubiy qo'llanmalar yaratilgan va darslarda qo'llanilmoqda. Amaliy va laboratoriya mashg'ulotlari reja asosida to'la o'tib kelinadi. Har bir laboratoriya mashg'uloti o'tish uchun kerakli jihozlar bilan ta'minlangan, o'tilgan laboratoriya mashg'ulotlari o'qituvchi tomonidan nazorat qilib borilgan. Amaliy mashg'ulotlar Kosonsoy shahridagi davolash-profilaktika muassasalarida olib boriladi. O'quv va ishlab chiqarish amaliyotlari o'quv rejasi asosida tuzilgan o'quv jarayoni jadvali bo'yicha Namangan viloyatidagi davolash-profilaktika muassasalarida olib boriladi. Ushbu muassasalarning barchasi bilan ikki tomonlama shartnomalar tuzilgan. Kollejda 9 ta sport to'garagi va 44 ta fan to'garaklari muntazam faoliyat olib boryapti. To'garaklarga 800 nafarga yaqin o'quvchilar jalb qilingan. 20000 ga yaqin kitob fondiga ega bo'lgan kutubxona o'quvchilarga xizmat qilib kelmoqda. Umumta'lim fanlari buyicha 5227 ta, mutaxassislik  fanlari buyicha 13519 ta adabiyotlar mavjud.

O'qituvchilar malakasini oshirishga e'tibor qaratiladi va malaka oshirishga boruvchi o'qituvchilarga sharoit yaratib beriladi. Barcha yildagi rejalar O'MKXT Boshqarmasi Marketing bo'limi bilan hamkorlikda to'la amalga oshirib kelinmoqda. 2003-2004 o'quv yilida 21 nafar o'qituvchilar Toshkent Rivojlantirish institutida, Andijon tibbiyot Oliygoxida, Namangan Davlat universiteti qoshidagi Malaka oshirshi kurslarida o'z malakalarini oshirib keldilar. 2004-2005 o'quv yilida hozirgi kunigacha 7 nafar o'qituvchi o'z malakasini oshirib keldi. Malaka oshirishdan kelgan o'qituvchilar o'qish davomida egallagan yangiliklari, o'qitishning ilg'or usullari bilan jamoa a'zolarini tanishtirib boradi.

Tibbiyot kollejida 3 xil yo'nalish buyicha o'quvchilarni o'qishga qabul qilingan. 2006 yildan boshlab «Akusherlik ishi» fakulteti yopilgan.

Har yili Kosonsoy tumani va viloyatimiz tumanlarida kasbga yo'naltirish bo'yicha maktabning bitiruvchi  o'quvchilari bilan suhbatlar o'tkazib boriladi. O'quv ishlab chiqarish va Diplom oldi amaliyoti davrida amaliyot uslubiy rahbarlari tomonidan ham targ'ibot ishlari olib boriladi. Yil davomida «Ochiq eshiklar» kuni tashkil etilib tumandagi barcha maktab o'quvchilari kollej hayoti bilan tanishtirib boriladi.

Bitiruvchilarning ishga joylashuvi bo'yicha ishlar Diplom oldi amaliyoti davrida boshlanadi. Har bir bitiruvchi kurs o'quvchisi Diplom oldi amaliyoti davomida kelajakda ishlaydigan muassasalari bilan ishga joylashuv haqida bitim tuzib keladi. Diplom oldi amaliyoti davrida bo'sh ish o'rinlari aniqlansa o'quvchilar ish bilan ta'minlanadilar.

Joriy yilda ham bitiruvchi kurs o'quvchilarining ishga joylashuvini ta'minlash haqida ishlar olib borilmoqda.

Lavozim majburiyatlarini bajarilishi uchun har bir xodim bilan yillik shartnoma tuzilgan, uning bajarilishi muntazam ravishda kafedra mudirlari, bo'lim boshliqlari va ma'muriyat tomonidan nazoratga olingan. Ishchi xodimlar o'rtasida Vazirlar Mahkamasining №12 qarori asosida ish taqsimoti va ular tomonidan yuritiladigan hujjatlar ro'yxati tuzilgan. Har oyda belgilangan rejalar va bajarilgan ishlar monitoringi olib boriladi.

Yil davomida ishchi-xodimlar va o'quvchilar moddiy va ma'naviy rag'batlantirib boriladi. 2004 yilda 986000 so'm moddiy yordam, 118200 so'm rag'batlantirish va 198000 so'm ijtimoiy muhofaza uchun mablag' sarflandi. 2005 yilning hozirgi kunigacha 210000 so'm miqdorida kam ta'minlangan qatlam vakillariga moddiy yordam ko'rsatildi. 2004 yilda faoliyatlari bilan boshqalarga namuna bo'lgan 3 nafar o'qituvchilar Sh.Qambarova, Q.Inomov, Q.Bahromovlar «O'zbekiston Respublikasi O'rta maxsus, kasb-hunar ta'limi a'lochisi» ko'krak nishoni bilan taqdirlandilar. Bir necha nafar o'qituvchilar tuman va viloyatda o'tkazilgan teletadbirlarda qatnashib keldilar.

Ukuvchilarga maishiy xizmat ko'rsatishni yaxshilash maqsadida poyafzal ta'mirlash ustaxonasi, suratxona, tikuvchilik, kir yuvish xonalari tashkil etilgan.

Kollejda faoliyat olib borayotgan ishchi-xodimlar va o'quvchilar uchun sharoitlar yaratilgan. Oshxona, sport zali, faollar zali ularga xizmat qiladi.

400 o'rinli yotoqxonada o'quvchilar yashashi uchun qulay sharoit yaratilgan. Ularni dam olishi uchun xonalar ajratilib televizorlar qo'yilgan, turli xil tadbirlar muntazam olib boriladi.

Kollej moddiy texnika bazasini mustahkamlash va rivojlantirish maqsadida 2004 yilda Yaponiya beg'araz yordami asosida «Hamshiralik parvarishi» trening zali uchun jihozlar olindi, 2 ta xona oxirgi rusumdagi Pentium IV kompyuterlari bilan jihozlandi. 7 ta Pentium IV personal kompterlari ukuv-uslubiy jarayonlar uchun xizmat kilmokda.

Kollej jamoasi viloyat va tumandagi jamoat va nodavlat tashkilotlari bilan yaqindan hamkorlikda ish olib boradi. «Kamolot» YOIX, «Sog'lom avlod uchun» xalqaro xayriya jamg'armasi, «Qizil yarim oy» jamg'armasi va boshqa bir qator tashkilotlar bilan turli tadbirlar o'tkazib kelinadi.